ХХААХҮ-ийн сайдын А/157 дугаар тушаалаар ЖДҮХС-гаас олгох зээлийн хугацааг 8 жил хүртэл болгож сунгасан. 2020–2025 онд зээл авсан аж ахуйн нэгжүүдэд, 

• Үндсэн төлбөрийг 2 жил хүртэл хойшлуулах

• Зөрчилтэй ангилалд орсон бол алдангиас чөлөөлөх боломж олголоо.

Хоршоог хөгжүүлэх сангийн хөнгөлөлттэй зээлийн эргэн төлөлтийг сайжруулах талаар Хүнс, хөдөө аж ахуй, хөнгөн үйлдвэрийн сайдын албан даалгаврыг боловсруулаад байна. Зөрчилтэй зээлдэгчдийг хуулийн хүрээнд хөөн хэлэлцэх хугацааг нь сэргээнэ. Хоршоог хөгжүүлэх сангийн хөнгөлөлттэй зээлийн эргэн төлөлтийн сайжруулах аян зохион байгуулна. Энэ хүрээнд зөрчилтэй зээлдэгчийн мэдээллийг олон нийтэд ил тод болгох, төлбөрийг яаралтай төлүүлэх арга хэмжээ авна.  Улсын хэмжээнд хоршооны хөгжлийн үнэлгээг зохион байгуулна. Энэ хүрээнд Хоршоо хөгжүүлэх сангийн үйл ажиллагаанд хяналт хийж, зээлдэгчдийн мэдээллийг хууль тогтоомжийн дагуу шилэн данс болон цахим хуудсаар дамжуулан нийтэд ил тод мэдээлнэ.