Засгийн газрын хуралдаанаас гаргасан шийдвэрийн талаар Хууль зүй дотоод хэргийн сайд С.Амарсайхан мэдээлэл өглөө.

Улсын бүртгэл 9 төрлийн үйлчилгээг иргэдэд үзүүлж байна. Энэ үйлчилгээг авахын тулд 3-5 удаа биечлэн очдог байна. Тиймээс өнөөдрийн Засгийн газрын хуралдаанаас гаргасан тогтоолоор үе шатыг багасгаж, цахимаар үйлчилгээ авах боломжтой болох аж.

Хууль зүй дотоод хэргийн сайд С.Амарсайхан “265 мянган гэрээг бүртгүүлэхийн иргэн 2-3 удаа биечилж очдог. Энэ нь УБЕГ-ын газрын үйл ажиллагааны 55 хувийг эзэлж байна. Тиймээс энэ бүх үйлчилгээг өгөгдөлд суурилсан, цахимжсан болгож байна.

Жишээлбэл, иргэн байраа барьцаалахад зургаан шат дамжлага дамждагийг 1 болгож байгаа аж. Энэ ажлыг долоо, наймдугаар сараас хэрэглээнд нэвтрүүлнэ. Хүнд суртлаас иргэдээ чөлөөлье гэж байгаа” гэлээ.