Ерөнхийлөгчийн өргөн барьсан Улсын Их Хурал(УИХ)-ын гишүүнийг эгүүлэн татах тухай хуулийн төслийг УИХ-аар хэлэлцэхээр болсон. 

Үүнийг олон гишүүн эсэргүүцэж байгаагийн нэг нь УИХ-ын гишүүн М.Нарантуяа-Нара юм. Тэрбээр өнөөдөр болсон санал хураалтын дараа Ерөнхийлөгчийн Тамгын Газар(ЕТГ)-ын дарга А.Үйлстөгөлдөрийг сэтгүүлчдэд ярилцлага өгч байх үеэр нь тасалж, өөрийн байр суурийг илэрхийллээ. 

Тэрбээр "Ерөнхийлөгч УИХ-д ажлаа тайлагнадаг байх ёстой. Ийм үүрэгтэй болохоос Ерөнхийлөгч УИХ-ыг хянадаг байгууллага биш. ЕТГ-ынхан үүнийг мэдээрэй. Хэдэн Ерөнхийлөгчтэй байгаагаа ойлгохоо больж байна. Мөн УИХ-ынхаа эсрэг байгаа УИХ-ын даргыг эсэргүүцэж байна. Энэ Их Хурал бол Монгол Ардын Нам(МАН)-ын Их Хурал биш, бүх ард түмний Их Хурал шүү. Зөвхөн өөрт ашигтай буюу МАН-ын эрх мэдэлтнүүдэд ашигтай зүйл заалтуудыг нь ярьж, манипуляц хийж байна. Энэ үйлдлээрээ УИХ-ын дарга С.Бямбацогт огцрох болзлоо хангасан" гэлээ.