Нийслэлийн Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд Эрүүл мэндийн даатгалын ерөнхий газрын удирдлагууд болон холбогдох албан тушаалтнуудад холбогдох авлига, албан тушаалын хэргийн шүүх хурал болж, шийдвэрээ гаргалаа.

Шүүхээс:

Л.Бямбасүрэн-д нийтийн албанд томилогдох эрхийг бүх насаар нь хасч, 13 жилийн хорих ял оноож, 50 сая төгрөгийг улсын төсөвт гаргуулж шийдвэрлэлээ.

А.Түвшин-д нийтийн албанд томилогдох эрхийг 6 жилээр хасч, 6 жилийн хорих ял оноон, 60 сая төгрөгийг улсын төсөвт гаргууллаа.

Б.Номинсувд-д нийтийн албанд томилогдох эрхийг 7 жилээр хасч, 7 жилийн хорих ял, 65 сая төгрөг гаргуулах шийдвэр гаргав.

С.Ундрам-д нийтийн албанд томилогдох эрхийг 3 жилээр хасч, 2 жилийн хорих ял, 11 сая төгрөг гаргуулахаар шийдвэрлэлээ.

Д.Бямбажав-д нийтийн албанд томилогдох эрхийг 2 жилээр хасч, 1 жилийн хорих ял оноолоо.

Мөн дараах нэр бүхий хүмүүст торгуулийн болон эрх хасах ял оноов. Үүнд:

Т.Ариунтуяа – 4 жил эрх хасч, 8 сая төгрөгөөр торгох

Ө.Айгиймаа – 2.5 жил эрх хасч, 3.6 сая төгрөгөөр торгох

А.Мөнхтулга – 2 жил эрх хасч, 3 сая төгрөгөөр торгох

Ц.Анхтуяа – 3 жил эрх хасч, 5 сая төгрөгөөр торгох

С.Цэдэнсодном – 2 жил эрх хасч, 5 сая төгрөгөөр торгох

П.Алтантуяа – 2 жил эрх хасч, 2.8 сая төгрөгөөр торгох

Уг хэрэг нь Эрүүл мэндийн даатгалын сангийн хөрөнгийг хууль бусаар зарцуулсан, албан тушаалын байдлаа урвуулан ашигласан гэх үндэслэлээр шалгагдсан бөгөөд шүүхээс холбогдогчдод ял шийтгэл оногдуулсан байна.

Хэргийг сануулахад, тэрбээр ЭМДЕГ-ын даргаар ажиллаж байхдаа эмнэлгүүдэд санхүүжилтийг давуу байдлаар олгох замаар хахууль авсан хэрэгт холбогдсон байдаг. Харин өөрөө шүүх хурал дээр "Би 120 сая төгрөг ямар учиртайг мэдэхгүй. Би төрийн байгууллагад 35 жил ажиллахдаа 20 гаруйг нь удирдах албан тушаал эрхэлсэн. Тиймэрхүү зүйлийг анзаармаар л юм" хэмээн мэдүүлж байна.