АТГ он гарсаар эхний 3 сард 103 хэргийг шүүхэд шилжүүлэх саналтай прокурорын байгууллагад хүргүүлээд байна. Заримыг дурдвал:

• нийтийн албан тушаалтан нь эрх мэдэл, албан тушаалын байдлаа урвуулан ашиглаж 2,7 тэрбум төгрөгийн хахууль авсан;
•  удаа дараагийн үйлдлээр хамаарал бүхий компаниудад болон хувьдаа давуу байдал тогтоох, ашиг хонжоо олох зорилгоор 932.4 сая төгрөгийн хохирол учруулсан;
• иргэдийн харилцах дансаар нийт 35,7 сая төгрөг авч хувьдаа зарцуулж давуу байдал бий болгосон;
• өөртөө давуу байдал бий болгох ашиг сонирхлын үүднээс хахууль өгсөн;
• бичиг баримт хуурамчаар үйлдэн бусдад давуу байдал бий болгосон;
• өөрийн төрсөн хүүдээ давуу байдал бий болгох зорилгоор албаны чиг үүрэг, бүрэн эрх, албан тушаалын байдалтай нь холбогдуулан хахууль өгөхийг санал болгосон;
• хэвтэн эмчлүүлсэн иргэний дансыг хууль бусаар ашиглаж 17,6 сая төгрөгийн хохирол учруулсан гэх мэт хэргийг шүүлгэхээр шилжүүлсэн байна.