Төрийн албанд 5 сар болоод 1 удаагийн буцалтгүй тусламж ₮15-30сая авсан шалгуур хангаагүй дарга нар авсан мөнгөө Шилэн дансанд оруулаагүй, устгасан "МОГОЙН ЧУУЛГАН" болон бусад асуудлуудаар ХУД-ийн 11 хорооны иргэн Б.Цогтгэрэл ХЗДХ сайд С.Амарсайханд хандаж мэдээлэл хүслээ.

Тэрбээр "Монгол Улсын иргэн Б.Цогтгэрэл би Шилэн дансны тухай хуулийн 9-р зүйлийн дагуу танай яам болон салбар байгууллагууд агентлагуудын Шилэн дансанд хяналт шалгалт хийн ажиллаж олон нийтэд шүгэл үлээж байгаа болно.

Танай яамны шилэн дансны хөтлөлт онц муу байгааг дурдан 2023 оноос хойшхи 5 сая төгрөгөөс дээш үнийн дүн бүхий бүх гүйлгээнүүдийг нөхөж оруулхыг шаардахын сацуу мэдээлэл устгасан болон хугацаанд нь оруулаагүй этгээдүүдэд Шилэн дансны тухай хуулийн 10.1 Төрийн хэмнэлтийн тухай хуулийн 20.5, 21.1, 21.2 заасны дагуу шуурхай арга хэмжээ авч ажиллахыг хүсье.

Мөн танай яамны 2023, 2024 онуудын 12 саруудад асар их хэмжээний үнийн дүн бүхий Сайдын тушаалын дагуу, Төрийн нарийн бичгийн тушаалын дагуу гэж “Нэг удаагийн буцалтгүй тусламж” нэрээр 15,000,000-30,000,000 төгрөгийн нийт 2 тэрбум орчим төгрөгийн буцалтгүй тусламж дэмжлэг олгосон байгаа нь УИХ-аар баталсан тухайн онуудын төсвийн хуульд байхгүй мөнгөн дүнгийн зарцуулалтууд шилэн дансанд орсон байна.

Мөн эдгээр шилэн дансны мэдээллүүдэд нэр бүхий албан тушаалтнуудын авсан мөнгөн дүнгийн мэдээллүүд дутуу байгааг танд сануулж шударга иргэдийн зүгээс надад өгсөн мэдээллийг энэхүү бичигт хавсаргав.

Үүнээс гадна иргэдийн надад ирүүлэн олон тооны санхүүгийн хууль бус баримтууд нь илтэд хууль зөрчсөн байх магадлалтай хэмээн үзэж байгаа бөгөөд танай байгууллагын дотоод хяналт шалгалт, албаны мэдээллүүдийг үндэслэн цаашид хууль сахиулах байгууллагуудад хандаж шалгуулах хүсэлттэй, уг хэргийг үйлдсэн этгээдүүдэд Монгол Улсын зохих хуулийн дагуу хариуцлага тооцуулах хүсэлттэй байна.

Эдгээр баримтуудад тухайн цаг үед ажиллаж байсан санхүү хөрөнгө оруулалтын газрын дарга, мэргэжилтнүүд, хяналт шалгалтын ажилтнууд, төрийн нарийн бичгийн дарга нараар уг баримтуудыг шалгуулах нь сонирхолын зөрчилтэй болох бөгөөд ашиг сонирхолын зөрчилгүй этгээдүүдээр шалгуулах, шалгалтын үеэр тухайн төрийн алба хаагчдыг ажлаас нь түтгэлзүүлэн шалгах нь зүйтэй гэж үзэж байна.

Мөн танай яамны газар хэлтсийн дарга нар “Төрийн тусгай алба хаагчдын эмнэлэгээс давхар цалин авдаг” “Хил хамгаалах албаны хурандаа цол авсан” зэрэг ноцтой асуудлуудыг шалгуулхаар баримтуудыг хавсаргав.

Миний уг мэдээлэл хүсэх бичгийн хариуг "Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль" -ийн 16 зүйлд заасан хугацаанд шуурхай өгнө үү.

Цаашид Хууль зүй, дотоод хэргийн яам буюу Монгол Улсын шударга ёсны яамны сайд та хуулийн хэрэгжилтэд хяналт тавьж гарсан зөрчил дутагдал бүрт, алдаа дутагдал гаргасан этгээдүүдэд хатуу хариуцлага тооцон, улс эх орны хэмжээнд тулгамдаад буй эдийн засгийн хүндрэл бэрхшээлийг даван туулхад онцгой хувь нэмэр оруулан ажиллаж эгэл бор цагдаа, цэргийн байгууллага, дархан хилээ манаж байгаа үүрэг гүйцэтгэгч нарын ахуй амьдралд улам илүү анхаарал хандуулж 13 дахь сарын цалинг нь аваад иддэг биш алба хаагчиддаа түгээдэг өгөөмөр сайд байна гэдэгт бүрэн итгэлтэй байна.

Хууль зүйн салбарын төсөв мөнгийг өндөр албан тушаалтнууд нь өөртөө давуу байдал олгон авдаг бус өвлийн хүйтэн зуны халуунд эх орондоо тангараг өргөсөн цагдаа, дотоодын цэрэг, дархан хилээ хамгаалж байгаа хилчид, шүүхийн шийдвэр гүйцэтгэгч нартаа цалин мөнгийг нь ахиу хүртээж, урамшуулан шагнах бол өдөр шөнөгүй зүтгэж байгаа дунд доод шатанд ажиллаж байгаа хөдөлмөрийн хамт олон эхнэд нь авдаг шударга хуваарилдаг байхад анхаарна уу.

Мөн 2027 оны Монгол Улсын төсвийг хэлэлцэх үед Цагдаагийн байгууллагын алба хаагчдын цалинг нэмэх талаар УИХ-ын гишүүд, олон нийтэд үнэн зөв мэдээлэл хүргэж нөлөөллийн ажил зохион байгуулхад хамтран ажиллахыг хүсье" гэжээ.