Нийслэлчүүд өнөөдөр нэг кг махыг 16-32 мянган төгрөгөөр худалдан авч байна. Монгол Улс 60 сая гаруй толгой малтай. Гэвч бодит байдал дээр жил бүр махны үнэ өсч, үүнийг иргэдийн худалдан авах чадвар ч буурсан. Зарим худалдааны төвүүдэд үхрийн мах нэг кг нь 32 мянган төгрөг давсан нь иргэдийн бухимдлыг төрүүлж буй юм.

Гэтэл саяхан Н.Учралын засгийн газрын ХХААХҮ-ийн сайд болоод буй Ц.Идэрбат “Махны үнийг судаллаа. Нэг кг нь 30 мянга давсан үхрийн мах олоогүй. Амралтын өдөр өглөө 10 цагт Дэнжийн мянгад очиход хонь, ямааны махыг гулуузаар нь 15, 16 мянган төгрөг байна. Үхрийн мах 21 мянган төгрөг байна” гээд хөрсөн дээр буухгүй зүйлийг ярьж байх.

Асуудал нь мах үнэтэй байгаа гэдгээс гадна яагаад малын тоо өсөөд байхад махны үнэ буурахгүй байна вэ, яагаад нийлүүлэлтийн сүлжээ, зуучлал, хадгалалт, тээвэрлэлтийн асуудал эцсийн хэрэглэгчид хамгийн өндөр дарамт болж ирж байна вэ гэдэг дээр байна. Гэтэл салбарын сайд бодит асуудлыг хүлээн зөвшөөрөхийн оронд үгүйсгэж суугаа нь төр бодит байдлаа мэдрэхгүй, эсвэл мэдрэхийг хүсэхгүй байгаа юм уу даа гэсэн шүүмжлэлийг дагуулж байна.