УИХ-ын гишүүн Д.Бум-Очир Боловсролын зээлийн сангаас авсан зээлээ өнөөдрийг хүртэл огт төлөөгүй байна. Тодруулбал, тэрбээр 2001-2004 оны хооронд тус сангаас 172 сая төгрөгийн санхүүжилт авч гадаадад суралцсан боловч уг зээлээс нэг ч төгрөг эргэн төлөөгүй аж.

Анхаарал татах нэг зүйл нь, 2013 онд тухайн үеийн Боловсролын сайд Л.Гантөмөрийн үед түүний зээлийг тэглэж, чөлөөлсөн шийдвэр гарсан байдаг. Ингэснээр тухайн үеийн ханшаар ойролцоогоор 48 мянган ам.доллартай тэнцэх хэмжээний өр татвар төлөгчдийн нуруун дээр үлдсэн гэсэн үг.

25 жилийн хугацаанд хүүгүй ашиглагдсан энэ мөнгө бодит утгаараа татвар төлөгчдийн хөрөнгө. Өнөөдөр улс төрийн шийдвэрээр өр нь “алга болдог” тогтолцоо бараг энгийн үзэгдэл мэт хэвшжээ. Гэвч үүнийг хэвийн зүйл мэт хүлээн зөвшөөрөх тусам татвар төлөгчдийн мөнгө үнэ цэнгүйдэж, хариуцлагын зарчим бүр мөсөн алдагдах эрсдэлтэй. Иймд энэ асуудлыг зүгээр өнгөрөөх биш, ил тод байдал, хариуцлагын тогтолцоог нэхэх нь нийгмийн зайлшгүй шаардлага болоод байна.