Боловсролын сайд П.Наранбаяр гавьяат тамирчин, олон улсын шатрын спортын Их мастер, “Дэлхийн шатрын академи”-ийн тэргүүн А.Энхтуулыг хүлээн авч уулзжээ. А.Энхтуул нь хүүхэд багачуудад шатрын спортын анхан болон ахисан шатны мэдлэг системтэйгээр олгох хөтөлбөр хэрэгжүүлэх зорилготой ажиллаж байгаагаа танилцуулсан байна. Улмаар бага боловсролын шинэчилсэн хөтөлбөрт хөлөгт тоглоом заахаар тусгасан хүрээнд хамтран ажиллахаар салбарын сайдтай санал нэгджээ.