Байгаль орчин, уур амьсгалын өөрчлөлтийн сайд Б.Батбаатар Уур амьсгалын ногоон сангийн Гадаад харилцааны захирал С.Оюунтай уулзаж, салбарын хамтын ажиллагааны асуудлаар санал солилцлоо.

Уулзалтаар Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17)-ын зохион байгуулалтын ажлын явц болон Монгол Улсад хэрэгжиж буй уур амьсгалын өөрчлөлтөд дасан зохицох, хүлэмжийн хийн ялгарлыг бууруулах төсөл хөтөлбөрүүдийн явц, цаашдын санхүүжилтийн боломж, ногоон хөгжлийн бодлогын уялдааг хэлэлцэв.