Монгол Улсын Их Хурлын дарга Н.Учрал Хангайн бүсэд ажиллах үеэрээ ипотекийн зээлийн асуудлыг хөндөж, танил талаа ашиглаж буюу арын хаалгаар олон удаа хамрагдсан иргэдийн мэдээллийг ил болгоно гэлээ.

Тодруулбал, хүчин төгөлдөр үйлчилж байгаа журмаар бол иргэн ипотекийн зээлд үндсэн зээлдэгчээр нэг, хамтран зээлдэгчээр нэг удаа л орох боломжтой байдаг. Гэтэл нэг иргэн нөхцөл сайжруулах маягаар олон дахиж бүр 6-7 удаа хамрагдах явдал байгаа аж. Ингэж журам зөрчиж, бусдын боломжийг хааж байгаа тул зээлд олон удаа хамрагдсан иргэдийн мэдээллийг ил болгоно гэв.